2 Shemuél (2 Sam) 12:7-8 Toe sê Natan vir Dawied: U is die man! So sê Yahweh, die Elohiem van Yiesraél: Ek het jou as koning gesalf oor Yiesraél, en Ek het jou gered uit die hand van Shaúl; en Ek het die huis van jou meester aan jou gegee, en die vroue van jou meester in jou skoot, en Ek het die huis van Yiesraél en Yehudah aan jou gegee; en as dit te min was, sou Ek aan jou nog meer sulke dinge daarby wil voeg.

Mieshleh (Spr) 11:24-25 Daar is een wat ruim uitdeel en nog meer kry, en een wat weerhou meer as wat reg is, maar tot sy gebrek. Die siel wat seën, word versadig; en hy wat laaf, word self ook gelaaf.

YeshaYahu (Jes) 56:6-8 En die uitlanders wat hulle by Yahweh aangesluit het, om Hom te dien en om die Naam van Yahweh lief te hê deur sy knegte te wees - elkeen wat die Shabbat hou, sodat hy dit nie ontwy nie, en hulle wat vashou aan my verbond, hulle sal Ek bring na my afgesonderde berg, en Ek sal hulle vreugde laat smaak in my huis van gebed; hulle brandoffers en hulle slagoffers sal aanvaarbaar wees op my altaar; want my huis sal 'n huis van gebed genoem word vir al die volke. Die Meester Yahweh wat versamel diegene wat van Yiesraél verdryf is, sê: Ek sal by hom nog meer versamel, by sy versameldes.

Markus 14:30-31 Daarna sê Y'shua vir hom: Amein Ek sê vir jou, vandag, in hierdie nag, voordat die haan twee maal gekraai het, sal jy My drie maal verloën. Maar hy het nog baie meer aangehou en gesê: Al moes ek saam met U sterf, ek sal U nooit verloën nie! En net so het almal ook gesê.

Yahuganan (Joh) 5:17-19 En Y'shua het hulle geantwoord: My Vader werk tot nou toe, en Ek werk ook. Hieroor het die Yehudiem toe nog meer probeer om Hom dood te maak, omdat Hy nie alleen die Shabbat gebreek het nie, maar ook Elohiem sy eie Vader genoem het en Hom met Elohiem gelykgestel het. Y'shua het toe geantwoord en vir hulle gesê: Amein, amein Ek sê vir julle, die Seun kan niks uit Homself doen tensy Hy die Vader dit sien doen nie. Want alles wat Hy doen, dit doen die Seun ook net so.

Yahuganan (Joh) 16:12-13 Nog baie dinge het Ek om aan julle te sê, maar julle kan dit nou nie dra nie. Maar wanneer Hy gekom het, die Gees van die waarheid, sal Hy julle in die hele waarheid lei; want Hy sal nie uit Homself praat nie, maar alles wat Hy hoor, sal Hy praat en die toekomstige dinge aan julle verkondig.

Handelinge 4:17-20 Maar dat dit nie nog meer onder die volk versprei word nie, laat ons hulle dreig om nie meer in hierdie Naam met enige mens te praat nie. En hulle het hul geroep en hulle bevel gegee om in die geheel nie in die Naam van Y'shua te praat of te leer nie. Toe antwoord Kefa en Yahuganan en sê vir hulle: Of dit reg is voor Elohiem om julle meer gehoorsaam te wees as Elohiem, moet julle self beslis; want vir ons is dit onmoontlik om nie te praat oor wat ons gesien en gehoor het nie.

Romeine 5:9-10 Veel meer dan sal ons, nou dat ons geregverdig is in sy bloed, deur Hom gered word van die toorn. Want as ons, terwyl ons nog vyande was, met Elohiem versoen is deur die dood van sy Seun, veel meer sal ons deur sy lewe gered word nou dat ons versoen is.

Romeine 5:20-21 Maar die Torah het daar bygekom, sodat die misdaad meer sou word; en waar die sonde meer geword het, het die guns nog meer oorvloedig geword; sodat, soos die sonde geheers het in die dood, so ook die guns kan heers deur die geregtigheid tot die ewige lewe deur Y'shua die Messias, ons Meester.

Filippense 1:9-11 En dit bid ek dat julle liefde nog meer en meer oorvloedig mag word in kennis en alle ervaring, om die dinge waar dit op aankom, te onderskei, sodat julle rein en vir niemand 'n aanstoot mag wees nie, tot op die dag van die Messias, vervul met die vrug van geregtigheid wat daar is deur Y'shua die Messias tot eer en lof van Elohiem.

Filippense 2:12-13 Daarom, my geliefdes, soos julle altyd gehoorsaam gewees het, nie in my teenwoordigheid alleen nie, maar baie meer nou in my afwesigheid, werk julle eie verlossing uit met vrees en bewing; want dit is Elohiem wat in julle werk om te wil sowel as om te werk na sy welbehae.