Een van die gedeeltes in die Nuwe Verbond wat seker die beste beskrywing bevat van die soort versoening wat Y'shua die Messias gebring het, is 2 Kor 5:17-21: "Daarom, as iemand in die Messias is, is hy 'n nuwe skepsel; die ou dinge het verbygegaan, kyk, dit het alles nuut geword. En dit alles is uit Elohiem wat ons met Homself versoen het deur Y'shua die Messias en aan ons die bediening van die versoening gegee het, naamlik dat Elohiem in die Messias die wêreld met Homself versoen het deur hulle hul misdade nie toe te reken nie en die woord van die versoening aan ons toe te vertrou. Ons tree dan op as gesante om die Messias wil, asof Elohiem deur ons' vermaan. Ons bid julle om die Messias wil: Laat julle met Elohiem versoen. Want Hy het Hom wat geen sonde geken het nie, sonde 'Vir ons gemaak, sodat ons kan word geregtigheid van Elohiem in Hom." Wat opvallend is in hierdie gedeelte, is dat versoening nie net as eenmalige gebeurtenis voorgestel word nie, maar as 'n lewenswyse, of 'n nuwe lewensweg wat ingeslaan word. Let veral op die uitdrukkings "bediening van versoening" en "woord van versoening". Een vertaling het hierdie uitrukking "woord van die versoening" vertaal met "torah van die versoening" wat duidelik sinspeel op 'n totale nuwe leefstyl. Yom Kippur vind slegs eenmaal per jaar plaas. Maar ten diepste is die bedoeling van Yom Kippur om by ons 'n "torah" of 'n leefstyl van versoening aan te kweek. Die Hebreeuse woord "dereg" is 'n goeie beskrywing hiervan - "dereg" is die woord wat gewoonlik met "pad" of "weg" vertaal word, maar dit beteken eintlik ook: "Iewenskoers; gedragspatroon; manier van doen". Die Woord van Yahweh spoor ons vandag aan om nie net een keer per jaar by Yom Kippur stil te staan nie, maar elke dag te wandel op die "Dereg Kippur" wat vir ons in die Woord uitgestippel word. In 'n Skrifgedeelte soos Devariem (Deuteronomium) 30 kan duidelik gesien word hoedat daar 'n logiese oorgang plaasvind tussen bekering en versoening ("kippur" - vers 2-3) na "wandel in die wee van Yahweh" ("dereg" - vers 16). Elkeen van die verskillende simbole wat in die Skrif met versoening in verband gebring word, hou vir ons 'n kragtige boodskap in - nie net oor hoe ons (eenmalig of "af en toe") versoening kan ontvang nie, maar oor hoe ons daagliks versoening kan "uitleef" en "uitdeel".

1. DIE SIMBOOL VAN OPOFFERING. Soms is juwele vir versoening gegee (Bemiedbar / Numerie 31 :50); soms geld (Shemot / Exodus 30:13); soms 'n tiende van sekere produkte (Wayyiekra / Levitikus 5:11). Dit dui op Yahweh wat sy eniggebore Seun vir ons oortredinge sou "oorgee", teen 'n prys wat ons nooit sal kan bereken nie, maar roep ook vir ons op om 'n lewenstyl van "opoffering" en "dinge prysgee wat vir ons kosbaar is", aan te kweek.
2. DIE SIMBOOL VAN BLOED. Versoening het altyd met bloedvergieting plaasgevind, want "die siel / lewe is in die bloed" (Wayyiekra / Levitikus 17: 11). Die bloed (of lewe) van 'n dier of slagding is gesien as plaasvervangend vir die bloed (of lewe) van 'n mens wat ooi1ree het. Die feit dat Y'shua die Messias sy lewe vir ons afgelê het behoort daagliks vir ons 'n bron van krag en inspirasie te wees - ook in ons benadering van diegene wat teen ons oortree en ons te na kom. Een manier om dit te doen, is om soos Shaul te bely: "as een vir almal gesterf het, het hulle dan almal gesterf; en Hy het vir almal gesterf, sodat die wat lewe, nie meer vir hulself moet lewe nie, maar vir Hom wat vir hulle gesterf het en opgewek is" (2 Kor 5:14).
3. DIE SIMBOOL VAN REINIGING. Versoening het dikwels met 'n noukeurige rituele proses van reiniging (en fisiese wassing) gepaard gegaan (bv. Wayyiekra / Levitikus 17:15). Dit herinner ons daaraan dat Yahweh ons sondes (deur die offer van sy Seun) afgewas en vergewe het en dat ons (selfs nadat ons in Sy Naam gedoop / gewas is) daagliks moet toesien dat daar geen besoedeling of selfs net 'n "aanpaksel" van enigiets vuil in ons lewe posvat nie.
4. DIE SIMBOOL VAN VOLMAAKTHEID. Die diere wat vir versoening geslag moes word, moes altyd "sonder gebrek" wees (vgl. Wayyiekra / Levitikus 4:23). Dit herinner ons aan Y'shua die Messias, die Lam "sonder gebrek", wat ter wille van ons sondes tereggestel is. Die Skrif stel dit duidelik dat volmaaktheid nie tot die lewe van die Messias beperk is nie, maar dat elkeen van sy volgelinge daarna moet streef om volmaak te wees "soos (hulle) Vader in die hemele volmaak is" (Matt 5:48). Ons lewenstyl mag nooit in 'n patroon van "ek doen dit maar want niemand is volmaak" verval nie.
5. DIE SIMBOOL VAN TYD. Versoening is dikwels aan 'n sekere vasgestelde tydsverloop (soos 'n periode van 7 dae - vgl. Shemot / Exodus 29:37) of met sekere vasgestelde tye verbind (vgl. Shemot / Exodus 30: 10). Tyd speel 'n baie belangrike rol in versoening. Op die bestemde ("kairos") tyd het Yahweh sy Seun na hierdie wêreld gestuur om versoening vir ons son des te doen (Galasiers 4:4) en op die vasgestelde tyd van pesag het Y'shua sy lewe afgelê. Ons moet ook leer om die tye wat Yahweh afgesonder het (daagliks, weekliks, maandeliks en jaarliks) te eerbiedig en te herstel in ons lewens.
6. DIE SIMBOOL VAN AFSONDERING. Alles wat met die proses van versoening verband gehou het, moes afgesonder word en mag op geen manier besoedel word met alledaagse en wêreldse dinge nie (vgl. Shemot / Exodus 29:36-37). So het die Messias ook in alle opsigte aan ons mense gelyk geword, maar afgesonder gebly deurdat Hy nie gesondig het nie (Heb 2:17; 4:15). Afgesonderde lewens is in die oë van die Vader 'n noodwendige uitvloeisel by diegene wat die genesende uitwerking van versoening gesmaak het. "Jaag die vrede na met almal, en die afgesonderdheid waarsonder niemand die Meester sal sien nie" (Heb 12:14).
7. DIE SIMBOOL VAN HERSTEL. 'n Aspek van versoening wat as geweldig belangrik beskou is, is dat die persoon wat veronreg is, op een of ander manier vir sy verlies vergoed moes word, sodat daar werklik herstel kon plaasvind. Hierdie beginsel word onder meer in Shemot / Exodus 22:3 na vore gebring. Die woord wat hier met "vergoeding" vertaal word, hou verband met die woord "shalom" wat in Hebreeus 'n geweldige ryk betekenis het - onder meer: "to be safe, to be completed; to be at peace; to be restored; to be prosperous; to be whole (again)". In die betekenis van die begrip "shalom" sien ons nie net wat Yahweh ten diepste vir ons (deur sy Seun Y'shua) kom doen het nie, maar leer ons ook hoe ons ingesteldheid teenoor ons naaste elke dag moet wees. Vir elkeen wat oor ons pad kom, is daar die potensiaal om iets van Yahweh se "shalom" te ontdek en dit is in jou en my hand (d.w.s. binne ons vermoe) om hierdie shalom aan hulle voor te stel en sodoende waarlik "bedienaars van die versoening" te word.